"Брайтон" бу мавсумдаги энг йирик мағлубиятини қабул қилди, де Дзерби жамоаси кутилмаганда "Эвертон"га ўз майдонида 1:5 ҳисобида мағлуб бўлди. Учрашувдаги биринчи гол ўйиннинг 34-сониясида Абдулае Дукуренинг саъй-ҳаракатлари билан урилди ва у ушбу учрашувда дубль қайд этишга муваффақ бўлди. Унинг голи Англия Премьер-лигасида "Брайтон" томонидан ўтказиб юборилган энг тезкор гол бўлди.

Навбатдаги турда “Брайтон” чемпионлик учун даъвогарлардан бири – Лондоннинг “Арсенал” жамоасига қарши баҳс олиб боради. "Эвертон" кейинги турда АПЛ олтинига яна бир даъвогар - "Манчестер Сити"га қарши ўйнайди.