Мадриднинг «Реал» клуби «Манчестер Сити» ҳужумчиси Эрлинг Холанднинг агенти Рафаэль Пимента билан яхши муносабатда.
Marca хабарига кўра, «қироллик клуби» норвегиялик футболчини яқин келажакда қўлга киритишни истайди, аммо ҳозир бу даргумон кўринади.
Гап шундаки, «Манчестер Сити» аллақачон Холандга янги шартнома таклиф қилган бўлиб, амалдаги шартномадаги 150 миллион еврога тенг бўлган товон пули оширилади. Эрлинг раҳбариятнинг таклифини қабул қилмоқчи.
Эслатиб ўтамиз, Англия Премьер-лигасининг ушбу мавсумида Холанд ҳисобида 35 та гол бор.
