Madridning «Real» klubi «Manchester Siti» hujumchisi Erling Xolandning agenti Rafael Pimenta bilan yaxshi munosabatda.

Marca xabariga ko‘ra, «qirollik klubi» norvegiyalik futbolchini yaqin kelajakda qo‘lga kiritishni istaydi, ammo hozir bu dargumon ko‘rinadi.

Gap shundaki, «Manchester Siti» allaqachon Xolandga yangi shartnoma taklif qilgan bo‘lib, amaldagi shartnomadagi 150 million yevroga teng bo‘lgan tovon puli oshiriladi. Erling rahbariyatning taklifini qabul qilmoqchi.

Eslatib o‘tamiz, Angliya Premyer-ligasining ushbu mavsumida Xoland hisobida 35 ta gol bor.