«Барселона» «Фиорентина» ярим ҳимоячиси Софьян Амрабат учун сўнгги таклифини юборди.
Каталония клуби марокашлик учун максимал 25 миллион евро + бонуслар таклиф қилишга тайёр. Ҳозирда келишув устида «Барселона» спорт директори Матеу Алемани ишламоқда, у тез орада каталонияликлар сафини тарк этиб, «Астон Вилла»га ўтади.
«Фиорентина» ҳали «Барселона» таклиф қилаётган шартлардан қониқмаяпти. Қишда Италия клуби Амрабатни Англия премьер-лигасининг айрим клубларига сотишдан бош тортди.
Ярим ҳимоячининг ўзи «Барселона»да ўйнашни истамоқда.
