«Милан» ҳимоячиси Давиде Калабрия Чемпионлар лигаси ярим финалида «Интер»га қарши ўйин олдидан умидлари билан ўртоқлашди.
«Бу жуда муҳим лаҳза, лекин биз бунга бошланғич нуқта сифатида қарашимиз керак, ҳар йили Чемпионлар лигасида ўйнаш учун қўлимиздан келганини қилишимиз зарур.
Ҳар бир дерби катта босим юклайди. Унинг Чемпионлар лигасида ўтказилиши - ўзига хос ҳолат. Менга жамоаларимиз ўртасида нафақат рақобат, балки катта ҳурмат ҳам борлиги ёқади», - деди Калабрия.
«Милан» ва «Интер» ўртасидаги илк ўйин 10 май, чоршанба куни бўлиб ўтади. Жавоб ўйини 16 май куни бўлади.
