«Ньюкасл», «Астон Вилла» ва Англия терма жамоасининг собиқ ҳужумчиси Алан Ширер «Манчестер Юнайтед» ҳужумчиси Антони Марсьяль ҳақида гапирди.

Ширернинг фикрича, Марсьяль «манкунианликлар» даражасига тўғри келмайди.

«У «МЮ»да етарлича вақтга эга эди. Бу борада муҳим қарорлар қабул қилишнинг ҳожати йўқ, чунки қарор аллақачон қабул қилинган ёки қабул қилиниши керак деб ўйлайман.

У узоқ вақт қолди, етарлича имкониятларга эга бўлди. У «Манчестер Юнайтед»ни ўзлари хоҳлаган жойга олиб борадиган даражада яхши эмас.

Агар у етарлича яхши бўлганида, мунтазам равишда майдонга тушар ва голлар урарди. Ишонаманки, унинг вақти бор эди ва у бундан фойдаланолмади», - дея Ширердан иқтибос келтиради Manchester Evening News.

2022/23 йилги мавсумда Антони Марсьяль Англия премьер-лигасида 17 та ўйинда майдонга тушиб, 4 та гол урган.