Ярим ҳимоячи Пётр Зелиньски ёзги трансфер ойнасида клубини ўзгартириши мумкин.
Goal нашрининг хабар беришича, Зелиньскининг «Наполи» билан шартномани узайтириш бўйича музокаралар натижа бермаган.
У клубини ўзгартириш ҳақида ўйламоқда ва Англияга кетиши мумкин. «Ливерпуль» келаси ёзда 28 ёшли польшалик учун 30 миллион фунт (деярли 35 миллион евро) тўлашга тайёр.
Зелиньски май ойида 29 ёшга тўлади. Польшалик ярим ҳимоячи 2016 йилнинг августидан бери «Наполи»да тўп тепмоқда.
Ўшандан бери футболчи 325 та ўйин ўтказиб, 47 та гол урди ва 43 та голли узатмага муаллифлик қилди.
