Yarim himoyachi Pyotr Zelinski yozgi transfer oynasida klubini o‘zgartirishi mumkin.

Goal nashrining xabar berishicha, Zelinskining «Napoli» bilan shartnomani uzaytirish bo‘yicha muzokaralar natija bermagan.

U klubini o‘zgartirish haqida o‘ylamoqda va Angliyaga ketishi mumkin. «Liverpul» kelasi yozda 28 yoshli polshalik uchun 30 million funt (deyarli 35 million yevro) to‘lashga tayyor.

Zelinski may oyida 29 yoshga to‘ladi. Polshalik yarim himoyachi 2016 yilning avgustidan beri «Napoli»da to‘p tepmoqda.

O‘shandan beri futbolchi 325 ta o‘yin o‘tkazib, 47 ta gol urdi va 43 ta golli uzatmaga mualliflik qildi.