Мадриднинг «Реал» клуби етакчиларидан бири Лука Модрич Чемпионлар лигаси ярим финалида «Манчестер Сити»га қарши кечган илк ўйин натижаси ҳақида гапирди.
Учрашув 1:1 ҳисобида дуранг билан якунланди.
«Реал» учрашувни яхши якунлади. Бу қарама-қаршиликда ҳали ҳеч нарса ҳал қилингани йўқ. Биринчи ўйинда яхши ўйнадик.
Биз рақиб қандай ўйнашини билардик ва уларга кўп вазиятлар яратишга имкон бермадик. Қайтган тўпни ўтказиб юборганимиз ачинарли. Энди биз жавоб ўйинида 100% боримизни берамиз», - деди ярим ҳимоячи.
