Madridning «Real» klubi yetakchilaridan biri Luka Modrich Chempionlar ligasi yarim finalida «Manchester Siti»ga qarshi kechgan ilk o‘yin natijasi haqida gapirdi.
Uchrashuv 1:1 hisobida durang bilan yakunlandi.
«Real» uchrashuvni yaxshi yakunladi. Bu qarama-qarshilikda hali hech narsa hal qilingani yo‘q. Birinchi o‘yinda yaxshi o‘ynadik.
Biz raqib qanday o‘ynashini bilardik va ularga ko‘p vaziyatlar yaratishga imkon bermadik. Qaytgan to‘pni o‘tkazib yuborganimiz achinarli. Endi biz javob o‘yinida 100% borimizni beramiz», - dedi yarim himoyachi.
