"Уотфорд" расмий сайти орқали Валерьен Исмаэлни янги бош мураббий этиб тайинлаганини эълон қилди. 47 ёшли франциялик мутахассис Крис Уайлдерни алмаштирди, клуб у билан шартномани узайтирмади.
"Уотфорд" ушбу тайинлов билан 2023/24 йилги мавсумга тайёргарликни бошлаб юборди. Жамоа Чемпионшипда 11-ўринни эгаллади.
Исмаэлнинг сўнгги иш жойи "Бешиктош" бўлиб, у 2022 йилнинг октябрида тарк этган. Унинг қўл остидаги жамоа 18 учрашувда 8 ғалаба ва 7 дуранг қайд этган.
Илгари у "Вольфсбург", "Вест Бромвич", "ЛАСК" ва "Барнсли" каби жамоалар билан ҳам ишлаган.
