«Интер»га қарши Чемпионлар лигасининг биринчи ярим финал ўйинида португалиялик Рафаэль Леаунинг йўқлиги «Милан» учун катта йўқотиш бўлди.
Стефано Пиоли шогирдлари майдонга ишончсиз тарзда киришди ва тезда ўз дарвозаларидан иккита гол ўтказиб юборишди.
Португалиялик футболчи Италия чемпионатининг аввалги «Наполи»га қарши ўйинида жароҳат олганди. Пиоли Леау иккинчи ўйинда жамоага ёрдам бера олишига умид қилмоқда.
«Кўрамиз, бугун у ўйнай олмади. Иккинчи ўйин олти кундан кейин, у ўйнайди деган умиддаман», - деди Пиоли.