Аргентиналик мураббий Марсело Бьелса Уругвай терма жамоасининг янги бош мураббийига айланади, деб хабар бермоқда Фабрицио Романо.
67 ёшли мутахассис ва Уругвай футбол федерацияси келгусидаги ҳамкорлик бўйича оғзаки келишувга эришган. Узоқ муддатли лойиҳани қуриш учун шартнома 2026 йилги жаҳон чемпионати олдидан имзоланиши кутилмоқда.
"Бьелса яқин кунларда шартнома имзолайди, ниҳоят ҳаммаси келишиб олинди", - дея тасдиқлади Уругвай федерацияси аъзоси Хорхе Касалес.
Марселонинг сўнгги клуби "Лидс" эди. Халқаро миқёсда Бьелса аввалроқ Аргентина ва Чили терма жамоаларида ишлаган.
