Афсонавий италиялик мотоцикл пойгачиси Валентино Росси Миланнинг “Интер” клуби мухлиси эканлигини яширмайди, аммо профессионал спортчига яраша, “нерадзуррилар”нинг энг ашаддий рақиби – "Милан"ни қаттиқ ҳурмат қилади. Росси "Милан"нинг асосий афзалликларини нимада кўришини айтди.
"Уларнинг ҳақиқий кучи жамоавий ўйинда. Менга Тео Эрнандес ёқади, у қизиқарли характерга эга. Жиру эса жуда кучли ҳужумчи", - деди Росси Mowmag.com билан суҳбатда.
Эслатиб ўтамиз, “Милан” арафасида Чемпионлар лигасининг биринчи ярим финал ўйинида “Интер”га мағлуб бўлганди. Жавоб ўйини ўн олтинчи май куни бўлиб ўтади.
