Роберт Левандовски қаторасига 9-марта мамлакат чемпиони бўлди.
"Барселона" 2022/23 йилги мавсумда Ла Лиганинг 34-турида "Эспаньол"ни мағлуб этиб (4:2) муддатидан аввал Испания чемпионига айланди. Роберт Левандовски дубль қайд этди.
Левандовски 2014/15 йилги мавсумдан бошлаб кетма-кет 9 йил ўзи иштирок этган мамлакат чемпионлигини қўлга киритди. Ўтган ёзда "Барселона"га ўтишдан олдин ҳужумчи "Бавария" билан кетма-кет 8 марта Бундеслигада ғолиб чиққан эди.
Шунингдек, польяк жорий мавсумда Ла Лиганинг энг яхши тўпурарига айланиши мумкин - унинг ҳисобида 21 та гол бор. Карим Бензема 17 гол билан иккинчи ўринда.
