"Бавария" Райан Гравенберхнинг кетиши мумкин бўлган тақдирда унинг ўрнига кимни олиб келиш ҳақида ўйламоқда.
Sport1 нашри хабарига кўра, ярим ҳимоячи ўйин вақти камлигидан норози ва ёзда жамоасини ўзгартириши мумкин.
Агар бу содир бўладиган бўлса, мюнхенликлар унинг ўрнини эгаллаш учун кучли ярим ҳимоячи билан шартнома имзолашга ҳаракат қилади. Номзод Матео Ковачич бўлиб, уни "Бавария" бош мураббийи Томас Тухель "Челси"даги фаолиятидан яхши билади.
Жорий мавсумда хорватиялик футболчи Премьер-лигада 26 ўйин ўтказиб, 1 гол урган.