"Ливерпуль" бош мураббийи Юрген Клопп АПЛнинг 36-тури доирасидаги "Лестер" устидан қозонилган ғалаба (3:0) ҳақида фикр билдирди ва жамоасининг мавсум якунида Чемпионлар лигасига йўл олиш имкониятларини баҳолади.
“Биз қўлимиздан келган барча ишни қиляпмиз. "Ньюкасл" ва "Манчестер Юнайтед" ҳозир қандай ўйнаётганини ҳисобга олсак, имкониятларимиз юқори деб ўйламайман. Биз ўз ишимизни қилишимиз керак.
"Ньюкасл" ва "Манчестер Юнайтед" бизни "Лестер"га ютқазишни афзал кўрган бўларди. Уларнинг ўрнида бўлсам, мен ҳам шуни хоҳлардим. Энди савол улар хато қиладими ва қолган иккита ўйинда ғалаба қозонамизми? Бу содир бўладими? Билмайман", - дея Клоппнинг сўзларини келтиради Sky Sports.
