"Арсенал" ёзги трансфер ойнасида ўз таркибини кучайтириш учун 230 миллион евродан кўпроқ маблағ сарфлашга тайёр. Бу ҳақда The Times нашри хабар бермоқда.
Манбага кўра, "Арсенал" бош мураббийи Микель Артета ёзда катта маблағ сарфлаш учун раҳбариятдан яшил чироқ олди. "Канонирлар" бош мураббийи "Вест Хэм" ва "Брайтон" ярим ҳимоячилари Деклан Райс ва Мойсес Кайседони сотиб олмоқчи.
Шунингдек, "Арсенал" "Барселона"дан Рафинья ва "Байер"дан Мусса Диабини сотиб олиш вариантига қайтиши мумкин. "Канонирлар" "Челси" ярим ҳимоячиси Мэйсон Маунтга ҳам қизиқишда давом этмоқда.
"Арсенал" 35 ўйиндан сўнг 81 очко билан АПЛ турнир жадвалида иккинчи ўринда бормоқда.