"Arsenal" yozgi transfer oynasida o‘z tarkibini kuchaytirish uchun 230 million yevrodan ko‘proq mablag‘ sarflashga tayyor. Bu haqda The Times nashri xabar bermoqda.
Manbaga ko‘ra, "Arsenal" bosh murabbiyi Mikel Arteta yozda katta mablag‘ sarflash uchun rahbariyatdan yashil chiroq oldi. "Kanonirlar" bosh murabbiyi "Vest Xem" va "Brayton" yarim himoyachilari Deklan Rays va Moyses Kaysedoni sotib olmoqchi.
Shuningdek, "Arsenal" "Barselona"dan Rafinya va "Bayer"dan Mussa Diabini sotib olish variantiga qaytishi mumkin. "Kanonirlar" "Chelsi" yarim himoyachisi Meyson Mauntga ham qiziqishda davom etmoqda.
"Arsenal" 35 o‘yindan so‘ng 81 ochko bilan APL turnir jadvalida ikkinchi o‘rinda bormoqda.