Каталониянинг "Барселона" клуби "Реал Сосьедад" ярим ҳимоячиси Мартин Субимендига қизиқиш билдиришда давом этмоқда. Журналист Сике Родригеснинг сўзларига кўра, "кўк-анорранглилар" ҳали ҳам сўралган трансфер нархини пасайтирмоқчи, бу 70 миллион евро атрофида бўлмоқда.

Манбанинг таъкидлашича, "Реал Сосьедад" янги ўнг қанот ҳимоячиси қидирмоқда, шу сабабли "Барселона" Субимендининг трансфер нархини пасайтирмоқчи бўлиб, унинг эвазига бу мавсумда "Милан"да ижарада ўйнаётган ҳимоячи Сержиньо Дестни таклиф қилмоқда.

Эслатиб ўтамиз, Субименди Серхио Бускетс ўрнига "Барселона" бош мураббийи Хави Эрнандес энг кўп маъқуллаган номзод ҳисобланади.