Лондоннинг «Арсенал» клуби раҳбарияти ҳимоячи Уильям Салиба билан янги меҳнат шартномаси тузмоқчи, бу ҳақда RMC Sport хабар бермоқда. Томонлар музокара жараёнини бошлаб юборишган.
Томонлар ўртасидаги амалдаги шартнома муддати келаси йилнинг ўрталаригача ҳисобланади. Футболчи 2019 йилнинг июль ойидан бери «канонирлар» сафида тўп тепмоқда. 22 ёшли ҳимоячининг трансфер қиймати 55 миллион еврога баҳоланмоқда.
Англия премьер-лигасининг жорий мавсумида Уильям 27 та ўйин ўтказиб, иккита гол ва битта голли узатмага муаллифлик қилган. Ҳимоячида тўртта сариқ карточка ҳам бор.
