Londonning «Arsenal» klubi rahbariyati himoyachi Uilyam Saliba bilan yangi mehnat shartnomasi tuzmoqchi, bu haqda RMC Sport xabar bermoqda. Tomonlar muzokara jarayonini boshlab yuborishgan.
Tomonlar o‘rtasidagi amaldagi shartnoma muddati kelasi yilning o‘rtalarigacha hisoblanadi. Futbolchi 2019 yilning iyul oyidan beri «kanonirlar» safida to‘p tepmoqda. 22 yoshli himoyachining transfer qiymati 55 million yevroga baholanmoqda.
Angliya premyer-ligasining joriy mavsumida Uilyam 27 ta o‘yin o‘tkazib, ikkita gol va bitta golli uzatmaga mualliflik qilgan. Himoyachida to‘rtta sariq kartochka ham bor.
