"Реал" бош мураббийи Карло Анчелотти "Манчестер Сити" ҳужумчиси Эрлинг Холандни Чемпионлар лигасининг жавоб ярим финалида қандай қилиб тўхтатиш ҳақида ўйламаётганини айтди.
Эслатиб ўтамиз, Мадридда 1:1 ҳисобидаги дуранг билан якунланган биринчи ўйинда Холанд голли ҳаракат билан ажралиб турмади.
"Биз Холандни қандай тўхтатиш ҳақида ўйламаяпмиз. "Манчестер Сити"да Де Брюйне, Гюндоган, Махрез каби юқори савияли футболчилар етарли. Бу жуда қийин бўлади. Биз бор эътиборимизни фақат ўйинда гол уриш ва ғалаба қозонишга қаратганмиз” - деди Анчелотти матбуот анжуманида.
"Манчестер Сити" - "Реал Мадрид" учрашуви бугун Тошкент вақти билан 23:59да бошланади.
