Франция терма жамоаси устози Дидье Дешам "Реал" ярим ҳимоячиси Эдуардо Камавинганинг турли позицияларидаги ўйини ҳақида фикр билдирди.
"Майдон марказида ўйнаган Камавинга футболни кўпроқ ёқтиради. У қанотда ўйнашни ёқтирмайди, лекин шуни таъкидлайманки, унда бу позицияда ўйнаш учун барча керакли фазилатлар бор", - деди Дешам L'Équipe билан суҳбатда.
Жорий мавсумда 20 ёшли ярим ҳимоячи барча турнирларни ҳисобга олган ҳолда 54 та ўйинда иштирок этди ва иккита голли узатмани амалга оширди.
Мадриднинг “Реал” клуби 34 ўйинда 71 очко жамғариб, Испания чемпионати турнир жадвалида иккинчи ўринда бормоқда.
