Сўнгги ҳафталарда миш-мишлар ҳужумчи Садио Маненинг ёзда "Бавария"ни тарк этиши билан боғлиқ бўлди.

Бироқ, инсайдер Фабрицио Романонинг ижтимоий тармоқларда хабар беришича, сенегаллик футболчи кейинги мавсумда Мюнхенда ўйнашни давом эттирмоқчи. Қайд этилишича, Мане жамоа бош мураббийи Томас Тухель билан ажойиб муносабатда. 31 ёшли футболчи жамоада қолиб, совринлар учун курашишни режалаштирмоқда.

Эслатиб ўтамиз, яқинда Садио Мане жанжалга аралашиб қолганди. У Чемпионлар лигаси доирасида "Манчестер Сити"га қарши ўйиндан сўнг кийиниш хонасида жамоадоши Лерой Санени уриб юборганди.

2022/2023 йилги мавсумда Мане 37 та ўйинда майдонга тушиб, 12 та гол урди ва 6 та голга ассистентлик қилди.