So‘nggi haftalarda mish-mishlar hujumchi Sadio Manening yozda "Bavariya"ni tark etishi bilan bog‘liq bo‘ldi.
Biroq, insayder Fabrisio Romanoning ijtimoiy tarmoqlarda xabar berishicha, senegallik futbolchi keyingi mavsumda Myunxenda o‘ynashni davom ettirmoqchi. Qayd etilishicha, Mane jamoa bosh murabbiyi Tomas Tuxel bilan ajoyib munosabatda. 31 yoshli futbolchi jamoada qolib, sovrinlar uchun kurashishni rejalashtirmoqda.
Eslatib o‘tamiz, yaqinda Sadio Mane janjalga aralashib qolgandi. U Chempionlar ligasi doirasida "Manchester Siti"ga qarshi o‘yindan so‘ng kiyinish xonasida jamoadoshi Leroy Saneni urib yuborgandi.
2022/2023 yilgi mavsumda Mane 37 ta o‘yinda maydonga tushib, 12 ta gol urdi va 6 ta golga assistentlik qildi.
