"Челси" ушбу ёзда дарвозабонни сотиб олмоқчи. Football Insider хабарига кўра, Лондон клубининг мақсади "Астон Вилла" дарвозабони Эмилиано Мартинес.
“Брентфорд” футболчиси Давид Райя ва “Интер” футболчиси Андре Онана ҳам "аристократлар"нинг радарида. Лондонликлар Мартинесни қўлга кирита олмасалар, юқоридаги номзодларга мурожаат қилишади.
Декабрь ойида Эмилиано Мартинес Аргентина терма жамоаси таркибида жаҳон чемпионига айланди. Transfermarkt портали мутахассислари 30 ёшли футболчини 28 миллион еврога баҳоламоқда. Мартинеснинг "Астон Вилла" билан амалдаги шартномаси 2026/2027 йилги мавсум охиригача амал қилади.