"Chelsi" ushbu yozda darvozabonni sotib olmoqchi. Football Insider xabariga ko‘ra, London klubining maqsadi "Aston Villa" darvozaboni Emiliano Martines.
“Brentford” futbolchisi David Rayya va “Inter” futbolchisi Andre Onana ham "aristokratlar"ning radarida. Londonliklar Martinesni qo‘lga kirita olmasalar, yuqoridagi nomzodlarga murojaat qilishadi.
Dekabr oyida Emiliano Martines Argentina terma jamoasi tarkibida jahon chempioniga aylandi. Transfermarkt portali mutaxassislari 30 yoshli futbolchini 28 million yevroga baholamoqda. Martinesning "Aston Villa" bilan amaldagi shartnomasi 2026/2027 yilgi mavsum oxirigacha amal qiladi.