Суперлиганинг 11-турида "Сурхон" ва "Металлург" жамоалари ўзаро баҳс олиб боради.

Ушбу жамоалар кучлилар сафида 22 марта тўқнаш келишган бўлиб, устунлик “Металлург” жамоаси томонида. Бекободликлар 10 учрашувда ғалаба қозонган, 8 ўйинда кучлар тенг келган, 4 баҳсда термизликлар зафар қучишган. Киритилган ва ўтказиб юборилган тўплар фарқи “Металлург” фойдасига – 25:18. Ўзаро учрашувларда “Металлург” – 38, "Сурхон" – 20 очко жамғарган.

Жамоаларнинг Термизда кечган баҳсларига назар ташлайдиган бўлсак, “Металлург” 2 та ўйинда зафар қучган. 6 та учрашувда кучлар тенг келган. Сурхондарёликлар эса 3 та ўйинни ўз фойдаларига ҳал этишган. Киритилган ва ўтказиб юборилган тўплар фарқи – 14:10, “Сурхон” фойдасига.

Термизда кечган сўнгги бешта ўйин натижаси:

18.08.2022 “Сурхон” – “Металлург” – 1:2
11.03.2021 “Сурхон” – “Металлург” – 1:0
25.08.2020 “Сурхон” – “Металлург” – 1:2
10.03.2019 “Сурхон” – “Металлург” – 1:1
14.05.2004 “Сурхон” – “Металлург” – 1:0