"ПСЖ" ҳужумчиси Неймар фаолиятини "Ньюкасл"да давом эттириши мумкин, деб хабар бермоқда Relevo нашри.
Манбага кўра, "Ньюкасл" Чемпионлар лигасида муваффақиятли иштирок этиш учун таркибни кучайтириш ниятида ва 31 ёшли бразилияликнинг вакиллари билан боғланиб, эҳтимолий трансферни муҳокама қилишга улгурди.
Шу билан бирга, Неймарнинг юқори маош талаби туфайли эҳтимолий келишув мураккаблиги қайд этилган. Шу сабабли, музокаралар ҳали илғор босқичдан йироқ.
Неймарнинг "ПСЖ" билан амалдаги шартномаси 2025 йилнинг ёзига қадар мўлжалланган. Бразилия терма жамоаси футболчиси 70 миллион еврога баҳоланмоқда. Олдинроқ, ҳужумчига яна бир даъвогар Лондоннинг “Челси” клуби экани хабар қилинганди.
Неймар жорий мавсум парижликлар сафида 29 та ўйинда майдонга тушиб, 18 та гол урди ва 17 та голли узатмани амалга оширди.
