«Реал» ярим ҳимоячиси Лука Модрич ҳали янги шартнома имзолагани йўқ.

Журналист Хосеп Педрероллнинг хабар беришича, хорватиялик ярим ҳимоячи апрель ойида янги шартнома шартларини келишиб олган, бироқ ҳали ҳеч нарсага имзо чекмаган.

Манбанинг таъкидлашича, Модрич мавсум охирида «Реал»ни текинга тарк этиши мумкин. Эслатиб ўтамиз, раҳбарият хорватнинг Чемпионлар лигаси нимчорак финалида «Манчестер Сити»га қарши жавоб ўйинидан норози бўлганди. Ўша учрашувда «Реал Мадрид» 0:4 ҳисобида мағлуб бўлди.

Модричнинг аввалроқ Саудия Арабистонида фаолиятини давом эттириш вариантлари бор эди, бироқ футболчи ўзига қизиққан клубларга «Реал Мадрид»да қолишни истаётганини тушунтирган.