«Арсенал» бош мураббийи Микель Артета марказий ҳимоячи Уильям Салиба билан янги шартнома борасидаги музокаралар ҳақида гапирди.
Эслатиб ўтамиз, франциялик футболчининг шартномаси келаси мавсум охирида якунлаади, бироқ барча томонлар ҳамкорликни узайтиришдан манфаатдор.
«Биз энг яхши иқтидоримизни сақлаб қолмоқчимиз, буни амалга оширишга ҳаракат қиляпмиз. Бундай ишлар вақт талаб этади.
Музокараларда кўплаб одамлар иштирок этмоқда. Менимча, ҳамманинг мақсади бир – шартномани узайтириш. Умид қиламанки, биз тез орада ечим топа оламиз», деди Артета матбуот анжуманида.
