«ПСЖ» ҳимоячиси Маркиньос француз клуби билан шартномасини узайтирди.
Бу ҳақда парижликлар расмий сайти хабар бермоқда. Бразилиялик футболчининг «ПСЖ» билан янги шартномаси 2028 йилгача мўлжалланган.
Клуб сайтига берган интервьюсида Маркиньос шартнома узайтирилганидан жуда мамнун эканлиги ва бундан жуда фахрланишини тан олди.
Футболчи бу ўзи учун ўзига хос лаҳза эканлигини ва «ПСЖ» яқин келажакда катта муваффақиятларга эришишига ишончи комил эканлигини таъкидлади.
Жорий мавсумда 29 ёшли футболчи барча мусобақаларда 42 та ўйинда майдонга тушиб, 2 та гол урди ва битта голли узатмани амалга оширди.
35-турдан сўнг «ПСЖ» 81 очко билан Франция чемпионатида пешқадамлик қилмоқда.
