«Торино» матбуот котиби Пьеро Венера россиялик ярим ҳимоячи Алексей Миранчукнинг аҳволи ҳақидаги саволга жавоб берди.

Аввалроқ, 27 ёшли ярим ҳимоячи кичкина бармоғини синдириб олгани ҳақида хабар берилганди.

«Алексей рўйхатда бўладими ёки йўқми, ҳозирча ҳеч нарса дея олмайман. У режа бўйича тикланмоқда.

Ўйлайманки, эртага Иван Юрич матбуот анжуманида Алексейнинг «Фиорентина» билан ўйиндаги иштироки ҳақидаги саволга жавоб беради, кейин унинг рўйхатда бўладими ёки йўқлигини билиб оламиз», - деди Венера.

Миранчук жорий мавсумда барча мусобақаларда 28 та ўйинда майдонга тушиб, 4 та гол урди ва 7 та голли узатмани амалга оширди.