"Манчестер Сити"дан ижарага олинган "Бавария" ҳимоячиси Жоау Канселу фаолиятини Мюнхенда давом эттириши даргумон.

Португалияликнинг ижараси мавсум охиригача ҳисобланган, харид нархи эса 70 миллион еврони ташкил қилади. "Бавария" 28 ёшли латералнинг ўйинидан эътирози йўқ, аммо молиявий жиҳат туфайли унинг доимий равишда клубга ўтиши даргумон.

Журналист Керри Хоунинг сўзларига кўра, келишув амалга ошиши учун Канселунинг ўзи "Бавария"да қолиш ниятини қатъий билдириши керак, бироқ айни дамда футболчи клубда ўзини унчалик қулай ҳис қилмаяпти - у майдон ташқарисида жамоадошлари билан деярли мулоқот қилмайди. "Манчестер Сити" ҳимоячини қайтаришни режалаштирмаяпти, "Барселона", "Реал" ва "Арсенал" вазиятни кузатиб боришмоқда.