"Manchester Siti"dan ijaraga olingan "Bavariya" himoyachisi Joau Kanselu faoliyatini Myunxenda davom ettirishi dargumon.
Portugaliyalikning ijarasi mavsum oxirigacha hisoblangan, xarid narxi esa 70 million yevroni tashkil qiladi. "Bavariya" 28 yoshli lateralning o‘yinidan e’tirozi yo‘q, ammo moliyaviy jihat tufayli uning doimiy ravishda klubga o‘tishi dargumon.
Jurnalist Kerri Xouning so‘zlariga ko‘ra, kelishuv amalga oshishi uchun Kanseluning o‘zi "Bavariya"da qolish niyatini qat’iy bildirishi kerak, biroq ayni damda futbolchi klubda o‘zini unchalik qulay his qilmayapti - u maydon tashqarisida jamoadoshlari bilan deyarli muloqot qilmaydi. "Manchester Siti" himoyachini qaytarishni rejalashtirmayapti, "Barselona", "Real" va "Arsenal" vaziyatni kuzatib borishmoqda.