"Реал Мадрид" келаси ёзда биринчи ўринда сифатли ўйинчи сотиб олишга ҳаракат қилади. Fichajes хабарига кўра, "Манчестер Сити"дан ҳужумчи Хулиан Альварес мадридликларнинг радарида.
Қайд этилишича, Мадриднинг “Реал” клуби айни дамда Карим Бенземага ўринбосар қидирмоқда. Франциялик футболчининг фаолиятида аста-секин пасайиш кузатила бошламоқда.
Хулиан Альварес ўтган ёздан бери "Манчестер Сити"да тўп сурмоқда. Аргентиналик футболчи клуб сафида 46 та ўйинда майдонга тушиб, 16 та гол урди ва 5 та голли узатмани амалга оширди. Transfermarkt портали экспертлари Альваресни 50 миллион еврога баҳоламоқда.