"Real Madrid" kelasi yozda birinchi o‘rinda sifatli o‘yinchi sotib olishga harakat qiladi. Fichajes xabariga ko‘ra, "Manchester Siti"dan hujumchi Xulian Alvares madridliklarning radarida.
Qayd etilishicha, Madridning “Real” klubi ayni damda Karim Benzemaga o‘rinbosar qidirmoqda. Fransiyalik futbolchining faoliyatida asta-sekin pasayish kuzatila boshlamoqda.
Xulian Alvares o‘tgan yozdan beri "Manchester Siti"da to‘p surmoqda. Argentinalik futbolchi klub safida 46 ta o‘yinda maydonga tushib, 16 ta gol urdi va 5 ta golli uzatmani amalga oshirdi. Transfermarkt portali ekspertlari Alvaresni 50 million yevroga baholamoqda.