"Ювентус" ҳужумчиси Душан Влаховичнинг агенти бўлган Масимо Брамбати унинг мижозига қизиқиш билдираётган клублар ҳақида гапирди.
“Учта жамоа қизиқиш билдирмоқда. Ўйлайманки, "Ювентус" бу таклифларни жиддий кўриб чиқади. Булар юқори даражадаги клублар - "Челси", "Бавария" ва "Атлетико", - дея Брамбати сўзларини келтиради Tuttomercatoweb.
Влахович “Ювентус”да 2022 йилнинг январидан буён тўп суради. Унинг шартномаси 2026 йилнинг ёзига қадар мўлжалланган.
Жорий мавсумда у Италия клуби сафида 41 та ўйинда майдонга тушиб, 14 та гол урди ва 4 та голга ассистентлик қилди. Transfermarkt порталига кўра футболчининг нархи 70 миллион еврога баҳоланмоқда.
