“Манчестер Сити” бош мураббийи Хосеп Гвардиола футбол тарихида кетма-кет уч марта Германия, Испания ва Англия чемпионлигини қўлга киритган биринчи мураббий ҳисобланади.

Кеча, 20 май куни “Арсенал” АПЛнинг 37-тури доирасидаги “Ноттингем”га мағлуб бўлди (0:1), бунинг эвазига “шаҳарликлар” муддатидан аввал Англия чемпионига айланишди.

Бу соврин испаниялик мутахассис учун кетма-кет учинчиси бўлди.

Бунгача Гвардиола "Бавария"ни 3 марта чемпионликка олиб чиққан (2013/14, 2014/15, 2015/16).

Испанияда “Барселона” билан 3 карра Ла Лига чемпиони ҳам бўлганди (2008/09, 2009/10, 2010/11).

Шу тариқа Гвардиола Испания, Германия ва Англияда кетма-кет учта чемпионликни қўлга киритган тарихдаги ягона мураббийга айланди.