Охирги ҳафталарда матбуотда “Барселона” ва “Реал” клублари ярим ҳимоячи Жошуа Киммихга қизиқиш билдираётгани ҳақида миш-мишлар тарқалди. Бироқ, 28 ёшли футболчи "Бавария"дан кетиш вариантини кўриб чиқмаяпти.
Нуфузли инсайдер Флориан Плеттенбергнинг сўзларига кўра, Киммих Мюнхен грандида ўйнашни давом эттиришни режалаштирмоқда.
Жошуа Киммих "Бавария"да 2015 йилнинг ёзидан бери ўйнаб келмоқда. Ўшандан бери футболчи 346 та расмий ўйинда майдонга тушиб, 40 та гол урган ва 94 та самарали узатмани ҳамкорларига берган.
Transfermarkt портали экспертлари Киммихни 80 миллион еврога баҳоламоқда.
