Oxirgi haftalarda matbuotda “Barselona” va “Real” klublari yarim himoyachi Joshua Kimmixga qiziqish bildirayotgani haqida mish-mishlar tarqaldi. Biroq, 28 yoshli futbolchi "Bavariya"dan ketish variantini ko‘rib chiqmayapti.
Nufuzli insayder Florian Plettenbergning so‘zlariga ko‘ra, Kimmix Myunxen grandida o‘ynashni davom ettirishni rejalashtirmoqda.
Joshua Kimmix "Bavariya"da 2015 yilning yozidan beri o‘ynab kelmoqda. O‘shandan beri futbolchi 346 ta rasmiy o‘yinda maydonga tushib, 40 ta gol urgan va 94 ta samarali uzatmani hamkorlariga bergan.
Transfermarkt portali ekspertlari Kimmixni 80 million yevroga baholamoqda.