Мадриднинг “Атлетико” клуби бош мураббийи Диего Симеоне келажаги борасидаги режалари ҳақида гапирди.
Ла Лиганинг 35-тури доирасидаги ўйинда “матрасчилар” “Осасуна”ни мағлуб этишди (3:0) ва кейинги мавсум учун Чемпионлар лигаси йўлланмасини кафолатлади.
Ўйиндан сўнг журналистлар Симеонедан келажакда клубда қолиши ҳақида изоҳ беришни сўрашди: "Шартномам тугашига бир йил қолди ва келажагим кўп жиҳатдан Чемпионлар лигасига йўл олишимизга боғлиқ эди. Тез орада клуб билан йиғилиш ўтказамиз, у ерда ҳамма нарсани муҳокама қиламиз. Ҳозир мен бахтлиман. Жорий мавсумнинг дастлабки ойлари оғир кечди, аммо ҳозир ҳаммаси жойида", - деди аргентиналик мутахассис.
