Франция чемпионатининг 36-туридан ўрин олган қатор учрашувлар 21 май, якшанба куни бўлиб ўтди.

“ПСЖ” сафарда “Осер”га қарши баҳс олиб борди. Ўйин аввалида Килиан Мбаппе кетма-кет иккита гол урган ҳолда, ҳисобни ишончли кўринишга келтирди. Бунга майдон эгалари иккинчи бўлим бошида битта тўп билан жавоб қайтарди.

Ушбу ғалаба эвазига Париж клуби очколарини 84 тага етказиб олди ва мавсум тугашига икки тур қолганда энг яқин таъқибчиси “Ланс”ни 6 очкога ортда қолдирмоқда. Кейинги икки ўйиндаги бир очко ҳам “ПСЖ” чемпионликни нақд қилишига етади.

Лига 1, 36-тур баҳси
21 май, якшанба
“Осер” – “ПСЖ” 1:2
Голлар: 0:1 – 6 Мбаппе, 0:2 – 8 Мбаппе, 1:2 – 51 Синайоко.
“Осер”: Раду, Зедадка, Жубал, Туре, Raveлосон, Менса, Туре, Массенго, Эн (Дембеле, 86), Да Кошта (Ньянг, 86), Синайоко (Перрен, 86).
“ПСЖ”: Доннарумма, Рамос, Маркиньос, Данилу Перейра, Бернат, Заир-Эмери, Верратти, Фабиан Руис (Саншеш, 79), Месси, Мбаппе, Экитик (Витиня, 55).
Огоҳлантириш: Жубал (46).