Испания футбол федерациясининг мусобақалар қўмитаси “Реал” ҳужумчиси Винисиус Жуниорнинг “Валенсия”га қарши ўйинда қизил карточка олган вазият бўйича қарор чиқарди.
Қизил карточка бекор қилинди, шунинг учун 22 ёшли бразилиялик футболчи "Райо Вальекано"га қарши ўйнай олади.
Учрашув чоғида Винисиус “Валенсия” мухлислари билан можарога учради. Футболчи бир неча бор трибунадан ўзига нисбатан қилинган ирқчи ҳақоратларга эътибор қаратган. Қўшиб берилган вақтда майдонда жанжал келиб чиқди, видеотакрорни кўргандан сўнг ҳакам "Реал Мадрид" ҳужумчисини четлатишга қарор қилди. Бироқ эртаси куни ҳакам ушбу эпизоддаги хатоси учун дисквалификация қилинди.
