“Ювентус” ярим ҳимоячиси Адриен Рабьо фаолиятини “Манчестер Юнайтед”да давом эттириши мумкин.

Таниқли инсайдер Фабрицио Романонинг сўзларига кўра, “қизил иблислар” ҳали ҳам 28 ёшли франциялик футболчини ўз сафига қўшиб олишдан манфаатдор.

Манба берган хабарга кўра, "Манчестер Юнайтед" бош мураббийи Эрик тен Хаг Рабьони мақтаяпти ва раҳбарият ярим ҳимоячи билан шартнома имзолай олишига умид қилмоқда.

Бироқ, таъкидланишича, айни дамда инглиз гиганти футболчи билан музокараларда ҳеч қандай муваффақиятга эришмаган, чунки у учун курашда кўплаб клублар, жумладан, "Бавария" ҳам қатнашмоқда.

Журналистнинг қўшимча қилишича, Рабьонинг "Ювентус" билан шартномасини узайтириш умидсиз натижа бўлади. 

Франциялик футболчи жорий мавсумда барча турнирлар доирасида 46 та ўйинда майдонга тушиб, 11 та гол урди ва 6 та голли узатмани амалга оширди. Футболчининг клуб билан тузган меҳнат шартномаси бир ойдан кейин тугайди.