"Манчестер Сити" ҳимоячиси Натан Аке Англия чемпионатида муддатидан олдин ғалаба қозонган жамоанинг муваффақияти учун ҳал қилувчи бўлган лаҳзани айтди. Унга кўра, бу "Ноттингем Форест" билан февраль ўрталарида ўтказилган ўйиндаги дуранг - шундан сўнг "Манчестер Сити" чемпионатдаги ҳар бир ўйинда ғалаба қозонди.

"Биз "Арсенал"ни мағлуб этдик, кейин эса йирик ҳисобда ғалаба қозонишимиз керак бўлган пайтда бирданига дуранг қайд этилди. Бу муаммо жамоани қолган баҳсларда бор кучини сафарбар қилишга мажбур қилди", дея Аке сўзларидан иқтибос келтиради BBC Sport.