"Интер" бош мураббийи Симоне Индзаги Италия кубоги финалида "Фиорентина" устидан қозонилган ғалаба (2:1) ҳақида фикр билдирди.

“Мен хурсандман, чунки биз хоҳлаган кубокни қўлга киритдик. Ўтган мавсумда қилган ишларимиз тасодиф эмаслигини тасдиқлай олдик. "Фиорентина" бизга кўп муаммоларни келтирган яхши жамоа.

“Интер” ўйинни ёмон бошлади, бу биз учун камдан-кам учрайди, лекин йигитлар барибир ҳаммасини тўғри бажаришди, ўйинда қолишди, кейин эса учрашувнинг тизгинини ўзгартиришди. Олдинда бизни чемпионатдаги сўнгги икки ўйин, кейин Истанбулдаги финал ва биз давом эттирмоқчи бўлган ажойиб мавсум бор", - деди Индзаги.

Бу “Интер” учун жорий мавсумдаги иккинчи совриндир. Бунгача жамоа Италия Суперкубоги-2022 финалида “Милан”ни мағлуб этганди (3:0).