Кристоф Галтье жорий мавсум охирида "ПСЖ" бош мураббийи лавозимини тарк этиши мумкин. Клуб янги бош мураббий қидирмоқда ва номзодлар рўйхатининг бошида Луис Энрике турибди. Бу ҳақда La Parisien хабар бермоқда.
Қайд этилишича, Энрике "ПСЖ" эътиборини ўзининг тажрибаси ва юлдуз футболчилар билан ишлаш қобилияти туфайли жалб қилмоқда.
Хабарингиз бор, Луис Энрике деярли ярим йилдан бери ишсиз. Жаҳон чемпионатидан кейин 53 ёшли мутахассис Испания терма жамоаси бош мураббийи лавозимини тарк этди.
Қўшимча қиламизки, Энрике ватани Испаниядан ташқарида атиги бир йил ишлаган - 2011/2012 йилги мавсумда у "Рома"га устозлик қилган.