Футбол тарихи ва статистикаси халқаро федерацияси ҳозирда фаолият юритаётган тўпрура футболчиларнинг рейтингини эълон қилди. Унга кўра, Австралия ва Сингапур фуқаролигига эга бўлган Александр Дурич ("Тампинес Роверс") 344та гол билан 1-ўринда бормоқда. Ушбу жадвал футболчиларнинг миллий чемпионатларнинг юқори дивизионларида урилган голлар асосида тузиб чиқилган.

Ушбу рейтингда "Навбаҳор" футболчиси Жаъфар Ирисметов 239та гол билан 9-ўринни эгаллаб турибди. Жаъфар 434та ўйинда шунча гол уришга муваффақ бўлган. "Бунёдкор"нинг собиқ футболчиси Ривалдо эса 278та гол билан 3-ўринни банд этган. Шунингдек, 17 ва 18-ўринларни Анвар Бердиев ("Нефтчи") ва Зафар Холмуродов ("Олмалиқ") эгаллашган.

1. Александар Дурич («Тампинс Роверс», Австралия/Сингапур) - 344 гол (473 ўйинда).
2. Максим Грузнов («Транс», Эстония) - 302 (478).
3. Ривалдо («Кабушкорп», Бразилия) - 278 (569).
4. Хуан Гарсия Ривас («Ангостура Сьюдад Боливар», Венесуэла) - 271 (619).
5. Тьерри Анри («Нью Йорк Рэд Буллс», Франция) - 258 (507).
6. Рауль («Аль-Садд», Испания) - 255 (616).
7. Серхио Рамон Ибарра («Сиенсиано», Аргентина/Перу) - 253 (465).
8. Сигурд Русфельдт («Тромсе», Норвегия) - 246 (482).
9. Жаъфар Ирисметов («Навбаҳор», Ўзбекистон) - 239 (434).
10. Рис Гриффитс («Лланелли», Уэльс) - 237 (328).
17. Анвар Бердиев ("Нефтчи", Ўзбекистон - 202 (429)
18. Зафар Холмуродов ("Олмалиқ", Ўзбекистон) - 200 (377)